سعودی عرب: اقامہ و لیبر قوانین کی خلاف ورزی پر 20,954 افراد کے خلاف کارروائی

سعودی محکمہ پاسپورٹ نے اپنی مختلف علاقائی شاخوں میں قائم انتظامی کمیٹیوں کے ذریعے ربیع الآخر 1448ھ کے دوران اقامہ، لیبر اور سرحدی قوانین کی خلاف ورزی پر 20,954 شہریوں اور غیرملکیوں کے خلاف انتظامی فیصلے جاری کیے ہیں۔ ان خلاف ورزیوں پر سزائیں قید، مالی جرمانے اور ملک بدری کی صورت میں دی گئی ہیں۔

محکمہ پاسپورٹ نے ایک بیان میں، جو ایکس پلیٹ فارم پر جاری کیا گیا، تمام شہریوں اور مقیم افراد کو خبردار کیا ہے کہ وہ اقامہ، لیبر اور سرحدی قوانین کے خلاف ورزی کرنے والوں کو نقل و حمل، ملازمت یا رہائش فراہم نہ کریں، نہ ہی ان کی کسی بھی طرح مدد یا پردہ پوشی کریں۔

اعرض التغريدة على منصة X