منشیات اسمگل کرنے والے عمانی شہری کو سزائے موت

مشرقی ریجن میں آج اتوار کے روز متعلقہ حکام نے عمانی شہری سمیر خمیس بریک کو منشیات اسمگلنگ کے جرم میں سزائے موت دے دی۔

وزارت داخلہ کے بیان کے مطابق سکیورٹی اداروں نے مجرم کو گرفتار کیا، مقدمہ متعلقہ عدالت میں پیش ہوا جہاں اس پر جرم ثابت ہوا اور تعزیری طور پر سزائے موت سنائی گئی۔ یہ فیصلہ متعلقہ اداروں نے برقرار رکھا اور شاہی فرمان کے تحت اس پر عمل درآمد کیا گیا۔

سزائے موت آج اتوار 24 ربیع الاول 1448 ہجری، بمطابق 6 ستمبر 2026 کو مشرقی ریجن میں دی گئی۔

اسی حوالے سے وزارت داخلہ نے کہا ہے کہ حکومت مملکت معاشرے کو منشیات کے ناسور سے بچانے اور اسمگلروں و فروخت کنندگان کے خلاف سخت ترین سزائیں نافذ کرنے کے لیے پرعزم ہے۔ وزارت نے خبردار کیا کہ اس نوعیت کے جرائم میں ملوث ہر شخص کو شرعی سزا دی جائے گی۔