عسیر میں منشیات اسمگلنگ کی کوشش ناکام، تین ایتھوپیائی گرفتار

عسیر کے الربوعہ سیکٹر میں بارڈر گارڈز کی زمینی گشتی ٹیموں نے سرحدی سیکیورٹی قوانین کی خلاف ورزی کرنے والے ایتھوپیا کے تین باشندوں کو 45 کلوگرام منشیات (چرس) اسمگل کرنے کی کوشش پر گرفتار کر لیا۔

حرس الحدود نے اپنے سرکاری ایکس اکاؤنٹ پر بتایا کہ ملزمان کے خلاف ابتدائی قانونی کارروائیاں مکمل کر کے انہیں اور ضبط شدہ منشیات کو متعلقہ ادارے کے حوالے کر دیا گیا ہے۔

سیکیورٹی اداروں نے شہریوں اور مقیمین سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ اس مقصد کے لیے مکہ مکرمہ، مدینہ منورہ، ریاض اور شرقیہ ریجن میں (911)، جبکہ باقی علاقوں میں (999) اور (994) پر رابطہ کیا جا سکتا ہے۔ اس کے علاوہ منشیات کنٹرول ڈائریکٹوریٹ کی ہیلپ لائن (995) اور ای میل (Email:[email protected]) پر بھی اطلاع دی جا سکتی ہے۔ تمام معلومات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔

ایکس پر اصل پوسٹ دیکھیں