شرقیہ میں شہری اور تین ایتھوپیائی باشندے منشیات فروشی پر گرفتار

انسداد منشیات کی جنرل ڈائریکٹوریٹ نے مشرقی ریجن میں ایک سعودی شہری اور تین ایتھوپیائی باشندوں کو 1.1 کلوگرام حشیش فروخت کرنے کے الزام میں گرفتار کیا ہے۔

ملزمان کو حراست میں لے کر ان کے خلاف قانونی کارروائی کی گئی اور انہیں پبلک پراسیکیوشن کے حوالے کر دیا گیا۔

سکیورٹی اداروں نے شہریوں اور مقیمین سے اپیل کی ہے کہ منشیات کی اسمگلنگ یا فروخت سے متعلق کسی بھی معلومات کی فوری اطلاع دیں۔ مکہ مکرمہ، مدینہ منورہ، ریاض اور مشرقی ریجن میں 911، جبکہ دیگر علاقوں میں 999 اور 994 پر رابطہ کریں۔ انسداد منشیات ڈائریکٹوریٹ کی ہیلپ لائن 995 اور ای میل ([email protected]) پر بھی اطلاع دی جا سکتی ہے۔ تمام اطلاعات مکمل رازداری کے ساتھ وصول کی جائیں گی اور اطلاع دینے والے پر کوئی ذمہ داری عائد نہیں ہو گی۔