مدینہ منورہ میں شبو فروخت کرنے والے سعودی اور مصری گرفتار

مدینہ منورہ ریجن کی پولیس نے ایک سعودی شہری اور ایک مصری باشندے کو شبو کے نام سے معروف نشہ آور میتھامفیٹامین فروخت کرنے کے الزام میں گرفتار کر لیا ہے۔

پولیس کے مطابق دونوں ملزمان کو حراست میں لے کر ان کے خلاف قانونی کارروائی مکمل کی گئی، جس کے بعد انہیں متعلقہ ادارے کے حوالے کر دیا گیا۔

ایکس پر اصل خبر دیکھیں

سکیورٹی اداروں نے شہریوں اور مقیم افراد سے اپیل کی ہے کہ وہ منشیات کی اسمگلنگ یا فروخت سے متعلق کسی بھی سرگرمی کی اطلاع فراہم کریں۔ اس مقصد کے لیے مکہ مکرمہ، مدینہ منورہ، ریاض اور مشرقی ریجن میں 911، جبکہ دیگر علاقوں میں 999 اور 994 پر رابطہ کیا جا سکتا ہے۔ اس کے علاوہ جنرل ڈائریکٹوریٹ آف نارکوٹکس کنٹرول کے نمبر 995 اور ای میل (Email:[email protected]) پر بھی اطلاع دی جا سکتی ہے۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔