ریاض میں کل تیز ہوائیں اور حد نگاہ میں کمی کا انتباہ

قومی مرکز برائے موسمیات نے خبردار کیا ہے کہ کل جمعرات کو ریاض ریجن کی متعدد تحصیلوں میں تیز ہوائیں چلنے اور افقی حد نگاہ میں کمی کا امکان ہے۔

مرکز کے مطابق یہ موسمی کیفیت دوپہر ایک بجے شروع ہو کر شام سات بجے تک جاری رہے گی۔ اس کا اثر دارالحکومت ریاض، الدرعیہ، المزاحمیہ، القدیہ، الحریق، الخرج، الدلم، حوطہ بنی تمیم، الزلفی، الغاط، المجمعة، شقراء، الافلاج، السلیل، وادی الدواسر، ثادق، حریملاء، رماح، ضرما اور مرات میں محسوس کیا جائے گا۔

اسی حوالے سے مرکز نے متاثرہ علاقوں کے شہریوں اور مقیم افراد کو احتیاط برتنے اور حفاظتی ہدایات پر عمل کرنے کی تاکید کی ہے۔