ٹریفک پولیس کی گاڑیوں کے درمیان خطرناک ڈرائیونگ پر وارننگ

سعودی جنرل ڈائریکٹوریٹ آف ٹریفک نے خبردار کیا ہے کہ گاڑیوں کے درمیان خطرناک انداز میں لین بدلنا ڈرائیور کے لیے گاڑی پر کنٹرول کھونے کا سبب بن سکتا ہے۔

محکمے نے ایکس پلیٹ فارم پر مزید بتایا کہ شاہراہوں پر تیز رفتاری کے ساتھ گاڑیوں کے درمیان بار بار لین بدلنا ٹریفک قوانین کی خلاف ورزی ہے، جس پر 3 ہزار سے 6 ہزار سعودی ریال تک جرمانہ عائد کیا جا سکتا ہے۔

یہ انتباہ ٹریفک پولیس کی جاری آگاہی مہم کا حصہ ہے۔ اس سے قبل بھی محکمے نے پیدل چلنے والوں کو ہدایت کی تھی کہ وہ اپنی اور دوسروں کی حفاظت کے لیے مخصوص راستوں کا استعمال کریں، تیز رفتار سڑکیں مقررہ مقامات سے عبور کریں، پیدل سگنل کا انتظار کریں اور سڑک خالی ہونے کا اطمینان کر لیں۔