ریاض میں مقامی لکڑی کی نقل و حمل پر شہری گرفتار

خصوصی فورس برائے ماحولیاتی تحفظ نے ریاض کے علاقے میں ایک شہری کو ماحولیاتی قوانین کی خلاف ورزی پر اس وقت گرفتار کیا جب وہ دو مکعب میٹر مقامی لکڑی منتقل کر رہا تھا۔ اس کے خلاف قانونی کارروائی عمل میں لائی گئی اور ضبط شدہ لکڑی متعلقہ ادارے کے حوالے کر دی گئی۔

فورس کے مطابق مقامی لکڑی اور کوئلہ منتقل کرنے پر فی مکعب میٹر 16,000 سعودی ریال تک جرمانہ عائد کیا جا سکتا ہے۔ فورس نے شہریوں سے اپیل کی ہے کہ وہ ماحول یا جنگلی حیات کو نقصان پہنچانے والے کسی بھی واقعے کی اطلاع مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر دیں۔ تمام شکایات مکمل رازداری کے ساتھ نمٹائی جائیں گی اور اطلاع دینے والے پر کوئی ذمہ داری عائد نہیں ہو گی۔