جازان میں 5 ایتھوپیائی شہری 100 کلو گرام قات اسمگل کرتے گرفتار

جازان ریجن کے الدائر سیکٹر میں بارڈر گارڈز کی زمینی گشتی ٹیموں نے سرحدی سلامتی کے قانون کی خلاف ورزی کرنے والے پانچ ایتھوپیائی شہریوں کو 100 کلو گرام نشہ آور قات اسمگل کرنے کے الزام میں گرفتار کر لیا۔

ملزمان کے خلاف ابتدائی قانونی کارروائی مکمل کر کے انہیں اور ضبط شدہ مواد کو متعلقہ ادارے کے حوالے کر دیا گیا۔

سکیورٹی اداروں نے شہریوں اور مقیم غیرملکیوں سے اپیل کی ہے کہ منشیات کی اسمگلنگ یا اس کی فروخت سے متعلق کسی بھی سرگرمی کی اطلاع فوری طور پر دیں۔ اس مقصد کے لیے مکہ مکرمہ، مدینہ منورہ، ریاض اور مشرقی ریجن میں (911)، جبکہ دیگر علاقوں میں (999) اور (994) پر رابطہ کیا جا سکتا ہے۔ اس کے علاوہ جنرل ڈائریکٹوریٹ آف نارکوٹکس کنٹرول کے نمبر (995) یا ای میل (Email:[email protected]) پر بھی اطلاع دی جا سکتی ہے۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔