سعودی جیلوں میں زیر تفتیش افراد سے آن لائن تحقیقات کا آغاز

نائب عام اور مجلسِ نیابة عامہ کے سربراہ ڈاکٹر خالد بن محمد الیوسف نے ہدایت کی ہے کہ مملکت کے تمام علاقوں کی جیلوں میں زیر تفتیش افراد سے تحقیقات کی نئی الیکٹرانک سروس شروع کی جائے۔

نیابة عامہ کے بیان کے مطابق، یہ نئی سروس ڈیجیٹل تبدیلی کی کوششوں اور کارکردگی میں بہتری کے لیے ٹیکنالوجی کے استعمال کا حصہ ہے، جس کا مقصد فوری انصاف کی فراہمی اور انسانی حقوق کے معیارات کے مطابق محفوظ تحقیقاتی ماحول فراہم کرنا ہے۔

بیان کے مطابق، الیکٹرانک تحقیقات کی اس سروس کے ذریعے کئی اہم مقاصد حاصل کیے جائیں گے، جن میں حقوق کے معیارات کا خیال رکھنا، محفوظ ماحول فراہم کرنا، عدالتی کارروائیوں کو آسان اور تیز بنانا، طریقہ کار کی رازداری کو یقینی بنانا، نظامی ضمانتوں کے مطابق ماحول تیار کرنا، ڈیجیٹل انضمام کو فروغ دینا، تحقیقات کے عمل کو تیز اور آسان بنانا اور عدالتی نظام میں ڈیجیٹل تبدیلی کو سپورٹ کرنا شامل ہیں۔

اس سروس کے تحت تحقیقاتی افسران تکنیکی پلیٹ فارمز کے ذریعے جیل میں زیر تفتیش افراد سے ویڈیو کال کے ذریعے تحقیقات کر سکیں گے، جس سے طریقہ کار کی دستاویزات اور ان کا الیکٹرانک ریکارڈ محفوظ بنایا جائے گا اور معلوماتی تحفظ کے اعلیٰ معیارات کو یقینی بنایا جائے گا۔

اعرض التغريدة على منصة X