نجران میں ہلکی بارش اور تیز ہواؤں کی پیش گوئی

قومی مرکز برائے موسمیات نے جمعرات کو نجران ریجن میں ہلکی بارش اور تیز ہواؤں کی پیش گوئی کی ہے۔

مرکز کے مطابق اس موسمی صورتحال میں نجران شہر کے علاوہ بدر الجنوب، حبونا، ثار اور یدمہ کے اضلاع بھی شامل ہیں۔

مرکز نے مزید بتایا کہ اس موسمی کیفیت کے دوران افقی حد نگاہ میں کمی اور گرج چمک بھی متوقع ہے۔

مرکز کے مطابق یہ صورتحال آج شام آٹھ بجے تک جاری رہنے کا امکان ہے۔