رابطة العالم اسلامی کی حوثی حملوں کی شدید مذمت

رابطة العالم اسلامی نے شدید الفاظ میں حوثی ملیشیا کی جانب سے سعودی عرب پر جاری جارحیت اور ابہا و کنگ خالد بین الاقوامی ایئرپورٹس کو نشانہ بنانے کی مذمت کی ہے، جس کے نتیجے میں متعدد شہری جاں بحق اور زخمی ہوئے۔

رابطة العالم اسلامی کی جنرل سیکریٹریٹ کے بیان میں معالی سیکریٹری جنرل اور علماء مسلمین کونسل کے سربراہ، شیخ ڈاکٹر محمد بن عبد الکریم العیسی نے ان دہشت گردانہ حملوں کی شدید مذمت کی، جو تمام مذہبی اقدار، بین الاقوامی قوانین اور انسانی اصولوں کی کھلی خلاف ورزی ہیں۔ انہوں نے کہا کہ یہ حملے حوثی ملیشیا کے مجرمانہ طرز عمل اور شہریوں و شہری تنصیبات کو دانستہ نشانہ بنانے کی پالیسی کو ظاہر کرتے ہیں۔

انہوں نے رابطة العالم اسلامی کے تمام اداروں، عالمی کونسلوں اور اس کے زیر سایہ آنے والی تمام مسلم اقوام کی جانب سے سعودی عرب کے ساتھ مکمل یکجہتی کا اعادہ کیا اور کہا کہ مملکت اپنی سلامتی اور شہریوں و مقیمین کے تحفظ کے لیے جو بھی اقدامات کرے، رابطة العالم اسلامی اس کی مکمل حمایت کرتی ہے۔ انہوں نے دعا کی کہ اللہ تعالیٰ سعودی عرب کو، اس کی قیادت اور عوام کو ہر آفت اور برائی سے محفوظ رکھے۔