معاون وزیر خارجہ کی ٹوکیو میں سعودی سفارتخانے کے عملے سے ملاقات

معاون وزیر خارجہ علید بن عبد الکریم الخضیری نے جاپان کے سرکاری دورے کے موقع پر ٹوکیو میں سعودی عرب کے سفارتخانے کا دورہ کیا۔

اس موقع پر خادم الحرمین الشریفین کے سفیر برائے جاپان ڈاکٹر غازی بن فیصل بن زغل نے سفارتخانے میں ان کا استقبال کیا۔

دورے کے دوران معاون وزیر خارجہ نے سفارتخانے کے عملے سے ملاقات کی، جہاں انہیں سفارتخانے کی سرگرمیوں، قونصلر خدمات اور شہریوں و مقیمین کے لیے فراہم کی جانے والی مختلف سہولیات کے بارے میں بریفنگ دی گئی۔

ایکس پر مکمل پوسٹ دیکھیں

معاون وزیر خارجہ نے سفارتخانے کے عملے کی کوششوں کو سراہتے ہوئے انہیں کارکردگی مزید بہتر بنانے اور توقعات پر پورا اترنے کے لیے مزید محنت کی تلقین کی۔ انہوں نے سعودی عرب اور جاپان کے درمیان دوستانہ اور تعاونی تعلقات کو فروغ دینے کی اہمیت پر بھی زور دیا۔