جازان و تبوک میں منشیات فروش گرفتار

سعودی محکمہ انسداد منشیات نے تبوک میں ایک سعودی شہری اور بنگلہ دیشی باشندے کو منشیات، حشیش اور ایمفیٹامین سمیت طبی ضابطے کے تحت آنے والی گولیوں کی فروخت کے الزام میں گرفتار کر لیا۔ دونوں ملزمان کو حراست میں لے کر قانونی کارروائی شروع کر دی گئی ہے اور انہیں پبلک پراسیکیوشن کے حوالے کر دیا گیا ہے۔

اعرض التغريدة على منصة X

اسی طرح جازان میں انسداد منشیات فورس نے سرحدی سیکیورٹی قوانین کی خلاف ورزی کرنے والے ایک شخص اور ایک ایتھوپیائی باشندے کو 49 کلوگرام حشیش فروخت کرنے کے الزام میں گرفتار کیا۔ دونوں کو حراست میں لے کر قانونی کارروائی مکمل کر کے پبلک پراسیکیوشن کے سپرد کر دیا گیا ہے۔

اعرض التغريدة على منصة X

سیکیورٹی اداروں نے شہریوں اور مقیم غیر ملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ مکہ مکرمہ، مدینہ منورہ، ریاض اور مشرقی ریجن میں (911)، جبکہ دیگر علاقوں میں (999) اور (994) پر رابطہ کریں۔ اس کے علاوہ محکمہ انسداد منشیات کی ہیلپ لائن (995) اور ای میل (Email:[email protected]) پر بھی اطلاع دی جا سکتی ہے۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔