مدینہ منورہ میں مقامی لکڑی منتقل کرنے پر شہری گرفتار

خصوصی فورس برائے ماحولیاتی تحفظ نے مدینہ منورہ میں ایک شہری کو ماحولیاتی قوانین کی خلاف ورزی پر اس وقت گرفتار کیا جب وہ تین مکعب میٹر مقامی لکڑی منتقل کر رہا تھا۔ اس کے خلاف قانونی کارروائی کی گئی اور ضبط شدہ لکڑی متعلقہ ادارے کے سپرد کر دی گئی۔

اعرض التغريدة على منصة X

فورس کے مطابق مقامی لکڑی اور کوئلہ منتقل کرنے پر فی مکعب میٹر 16,000 سعودی ریال تک جرمانہ عائد کیا جا سکتا ہے۔ فورس نے شہریوں سے اپیل کی ہے کہ اگر وہ ماحول یا جنگلی حیات کے خلاف کسی بھی خلاف ورزی کا مشاہدہ کریں تو مکہ مکرمہ، مدینہ منورہ، ریاض اور مشرقی ریجن میں 911 جبکہ دیگر علاقوں میں 999 یا 996 پر اطلاع دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔