شرقیہ میں ماحولیاتی قوانین کی خلاف ورزی پر تین افراد گرفتار

خصوصی فورس برائے ماحولیاتی تحفظ نے مشرقی ریجن میں ماحولیاتی قوانین کی خلاف ورزی پر پاکستانی اور بھارتی شہریت کے حامل تین غیرملکی باشندوں کو گرفتار کیا ہے، جو وہاں مٹی اور معدنیات کا غیرقانونی استحصال کر رہے تھے۔

فورس کے مطابق کارروائی کے دوران دو مشینیں بھی ضبط کی گئیں جو مٹی کی کھدائی اور نقل و حمل میں استعمال ہو رہی تھیں، جبکہ ملزمان کے خلاف قانونی کارروائی عمل میں لائی گئی ہے۔

خصوصی فورس نے شہریوں اور مقیم افراد پر زور دیا ہے کہ وہ ماحول یا جنگلی حیات کے خلاف کسی بھی خلاف ورزی کی اطلاع دیں۔ اس مقصد کے لیے مکہ مکرمہ، مدینہ منورہ، ریاض اور مشرقی ریجن میں (911) جبکہ دیگر علاقوں میں (999) اور (996) پر رابطہ کیا جا سکتا ہے۔

فورس نے یقین دہانی کرائی ہے کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔