خادم الحرمین الشریفین کے مہمانوں کی مجمع ملک فہد مدینہ آمد

خادم الحرمین الشریفین کے عمرہ و زیارت پروگرام کی تیسری کھیپ کے مہمانوں نے، جو وزارت اسلامی امور، دعوت و ارشاد کی جانب سے رواں سال 1448ھ میں منعقد کیا گیا ہے، مدینہ منورہ میں مجمع ملک فہد برائے طباعتِ مصحف شریف کا دورہ کیا۔ یہ دورہ ان کے قیام کے دوران ترتیب دیے گئے ثقافتی پروگرام کا حصہ تھا۔

مہمانوں نے مجمع کی جانب سے قرآن پاک کی طباعت اور اس کے معانی کے تراجم کے لیے کی جانے والی کوششوں کا مشاہدہ کیا۔ اس موقع پر انہیں مجمع کے کام اور اس کی پیداوار کے بارے میں تفصیلی بریفنگ دی گئی اور ایک ویڈیو پریزنٹیشن کے ذریعے مجمع کی تاریخ اور قرآن کی خدمت میں اس کی کامیابیوں کو اجاگر کیا گیا۔

دورے کے اختتام پر مجمع کی جانب سے مہمانوں کو قرآن پاک کے نسخے اور اس کے معانی کے مختلف زبانوں میں تراجم بطور تحفہ پیش کیے گئے۔

مہمانوں نے کام کے مراحل میں جدید ٹیکنالوجی اور اعلیٰ معیار کو سراہا اور قرآن پاک کی طباعت، اشاعت اور تعلیم کے حوالے سے مملکت سعودی عرب کی خصوصی توجہ کو قابل قدر قرار دیا۔ انہوں نے اس سلسلے میں سعودی قیادت کا شکریہ بھی ادا کیا۔

23 افریقی ممالک کی شرکت

واضح رہے کہ خادم الحرمین الشریفین کے عمرہ و زیارت پروگرام کی تیسری کھیپ میں 250 مرد و خواتین معتمرین شامل ہیں، جو افریقہ کے 23 ممالک کی نمائندگی کر رہے ہیں۔