امام فیصل بن ترکی رائل ریزرو میں آگ لگانے پر شہری گرفتار

خصوصی فورس برائے ماحولیاتی تحفظ نے ایک شہری کو ماحولیات کے ضوابط کی خلاف ورزی پر گرفتار کیا ہے۔ مذکورہ شہری نے امام فیصل بن ترکی رائل ریزرو میں نباتاتی ماحول کے تحفظ سے متعلق ہدایات کی خلاف ورزی کرتے ہوئے مخصوص مقامات کے علاوہ آگ جلائی تھی۔ اس کے خلاف قانونی کارروائی عمل میں لائی گئی ہے۔

فورس نے وضاحت کی کہ جنگلات اور قومی پارکوں میں مخصوص مقامات کے علاوہ آگ لگانے پر زیادہ سے زیادہ 3,000 سعودی ریال جرمانہ عائد کیا جا سکتا ہے۔ فورس نے شہریوں سے اپیل کی ہے کہ اگر وہ ماحول یا جنگلی حیات کے خلاف کسی بھی قسم کی خلاف ورزی دیکھیں تو مکہ مکرمہ، مدینہ منورہ، ریاض اور مشرقی ریجن میں 911 جبکہ دیگر علاقوں میں 999 یا 996 پر اطلاع دیں۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔