جازان میں منشیات اسمگلنگ کی کوشش ناکام، بڑی مقدار میں حشیش اور گولیاں ضبط

جازان کے الدائر سیکٹر میں بارڈر گارڈز کی زمینی گشتی ٹیموں نے 37,200 نشہ آور گولیاں اور 45 کلوگرام حشیش اسمگل کرنے کی کوشش ناکام بنا دی۔

بارڈر گارڈز نے اپنے ایکس اکاؤنٹ پر بتایا کہ ابتدائی قانونی کارروائیاں مکمل کر کے ضبط شدہ منشیات متعلقہ ادارے کے حوالے کر دی گئی ہیں۔

ایکس پر مکمل خبر دیکھیں

سکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ اس مقصد کے لیے مکہ مکرمہ، مدینہ منورہ، ریاض اور مشرقی ریجن میں (911)، جبکہ دیگر علاقوں میں (999) اور (994) پر رابطہ کیا جا سکتا ہے۔ اس کے علاوہ جنرل ڈائریکٹوریٹ آف نارکوٹکس کنٹرول کے نمبر (995) اور ای میل (Email:[email protected]) پر بھی اطلاع دی جا سکتی ہے۔ تمام اطلاعات مکمل رازداری کے ساتھ وصول کی جائیں گی اور اطلاع دینے والے پر کوئی ذمہ داری عائد نہیں ہوگی۔