عسیر: غیرمجاز جگہ آگ لگانے پر شہری گرفتار

خصوصی فورس برائے ماحولیاتی تحفظ نے عسیر ریجن میں ایک شہری کو ماحولیات کے ضوابط کی خلاف ورزی پر گرفتار کیا ہے۔ مذکورہ شہری نے نباتاتی ماحول کے تحفظ سے متعلق ہدایات کی خلاف ورزی کرتے ہوئے مخصوص مقامات کے علاوہ جگہ پر آگ جلائی تھی۔

فورس کے مطابق، مذکورہ شخص کے خلاف قانونی کارروائی عمل میں لائی گئی ہے۔ فورس نے واضح کیا کہ جنگلات اور قومی پارکوں میں مخصوص مقامات کے علاوہ آگ لگانے پر 3,000 سعودی ریال تک جرمانہ عائد کیا جا سکتا ہے۔

ماحولیاتی خلاف ورزیوں کی اطلاع دینے کی اپیل

خصوصی فورس برائے ماحولیاتی تحفظ نے شہریوں اور مقیم افراد سے اپیل کی ہے کہ وہ ماحول یا جنگلی حیات کے خلاف کسی بھی خلاف ورزی کی صورت میں اطلاع دیں۔ مکہ مکرمہ، مدینہ منورہ، ریاض اور مشرقی ریجن میں اس مقصد کے لیے 911 جبکہ دیگر علاقوں میں 999 اور 996 پر رابطہ کیا جا سکتا ہے۔

فورس نے یقین دہانی کرائی ہے کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔