ممنوعہ علاقے میں اونٹ چرانے پر شہری گرفتار

خصوصی فورس برائے ماحولیاتی تحفظ نے ایک شہری کو محمیہ شاہ عبدالعزیز میں ریاض ریجن کے ممنوعہ علاقوں میں 20 اونٹ چرانے کی خلاف ورزی پر گرفتار کیا ہے۔ یہ کارروائی ماحول اور حیاتیاتی تنوع کے تحفظ کے لیے کی گئی۔

فورس کے مطابق ممنوعہ علاقوں میں اونٹ چرانے پر ہر اونٹ کے لیے 500 سعودی ریال جرمانہ عائد کیا جاتا ہے، اور خلاف ورزی کرنے والے کے خلاف قانونی کارروائی کی گئی ہے۔

خصوصی فورس نے شہریوں اور مقیم افراد پر زور دیا ہے کہ وہ ماحول یا جنگلی حیات کے خلاف کسی بھی خلاف ورزی کی صورت میں مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر اطلاع دیں۔

فورس نے یقین دہانی کرائی ہے کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔