امام ترکی بن عبداللہ ریزرو میں غیرقانونی چرائی پر شہری گرفتار

خصوصی ماحولیاتی سکیورٹی فورس نے ایک شہری کو ماحولیاتی قوانین کی خلاف ورزی پر گرفتار کیا ہے، جس نے امام ترکی بن عبداللہ ریزرو میں ممنوعہ مقامات پر 18 اونٹ چرائے تھے۔ اس کے خلاف قانونی کارروائی عمل میں لائی گئی ہے۔

فورس نے واضح کیا کہ اونٹ چرانے پر فی اونٹ 500 سعودی ریال جرمانہ عائد ہوگا۔ شہریوں سے اپیل کی گئی ہے کہ وہ ماحول یا جنگلی حیات کے خلاف کسی بھی خلاف ورزی کی اطلاع مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر دیں۔ تمام اطلاعات مکمل رازداری کے ساتھ لی جائیں گی اور اطلاع دینے والے پر کوئی ذمہ داری عائد نہیں ہوگی۔