سعودی سفارتخانے کا دمشق میں ویزہ دفتر کھولنے کا اعلان

سعودی عرب کے سفارتخانے نے شام میں اعلان کیا ہے کہ دارالحکومت دمشق میں 'مکتب تأشیر' کے نام سے نیا ویزہ دفتر کھولا گیا ہے، جو تمام ویزہ درخواستیں وصول کرے گا، جن میں مال برداری اور مسافروں کی نقل و حمل کے ویزے بھی شامل ہیں۔

سفارتخانے نے وضاحت کی کہ یہ اقدام سعودی عرب اور شام کی حکومتوں کے درمیان مشترکہ کوششوں کا حصہ ہے، جس کا مقصد دونوں برادر ممالک کے درمیان اقتصادی تعلقات کو مضبوط بنانا ہے۔

ایکس پر مکمل خبر دیکھیں

سفارتخانے نے مزید کہا کہ دفتر کا افتتاح سعودی عرب کی جانب سے شامی معیشت کی بحالی میں معاونت اور شام کو بڑے اقتصادی چیلنجز سے نمٹنے میں مدد دینے کی کوششوں کا تسلسل ہے۔