سعودی عرب میں معذور افراد کی پارکنگ پر 2208 گاڑیاں ضبط

سعودی محکمہ ٹریفک نے آج جمعرات کو ملک کے مختلف علاقوں میں معذور افراد کے لیے مخصوص پارکنگ میں کھڑی گاڑیوں کے خلاف مہم چلائی، جس کے دوران 2208 خلاف ورزی کرنے والی گاڑیاں ضبط کی گئیں۔

محکمہ ٹریفک نے اپنے سرکاری ایکس اکاؤنٹ پر بتایا کہ ان گاڑیوں کے مالکان نے معذور افراد کے لیے مخصوص پارکنگ استعمال کر کے قوانین کی خلاف ورزی کی ہے۔

محکمہ نے واضح کیا کہ یہ مہم ملک بھر میں ٹریفک قوانین کی خلاف ورزیوں کی نگرانی کے لیے جاری کوششوں کا حصہ ہے، جس میں معذور افراد کے لیے مخصوص پارکنگ میں کھڑی گاڑیوں کی نگرانی بھی شامل ہے۔

اعرض التغريدة على منصة X

محکمہ ٹریفک نے تمام ڈرائیورز سے اپیل کی ہے کہ وہ ٹریفک قوانین کی پابندی کریں اور معذور افراد کے حقوق کے تحفظ اور ان کے لیے مخصوص پارکنگ کے استعمال کو یقینی بنانے میں تعاون کریں۔