المدینہ منورہ: ماحولیاتی نظام کی خلاف ورزی پر شہری گرفتار

خصوصی فورس برائے ماحولیاتی تحفظ نے اپنے فرائض کی انجام دہی کے دوران مدینہ منورہ میں ایک شہری کو ماحولیاتی نظام کی خلاف ورزی پر گرفتار کرلیا۔ مذکورہ شخص نے بغیر اجازت شکار کیا تھا، اس کے قبضے سے دو ایئرگنیں، 123 ایئرگن کی گولیاں اور 20 شکار شدہ جنگلی جانور برآمد ہوئے۔ اس کے خلاف قانونی کارروائی عمل میں لائی گئی۔

فورس نے ماحولیاتی نظام اور اس کے نفاذی ضوابط کی پابندی پر زور دیتے ہوئے کہا کہ جنگلی حیات کے شکار پر پابندی ہے۔ بغیر اجازت شکار کرنے پر 10,000 سعودی ریال جرمانہ، ممنوعہ مقامات پر شکار پر 5,000 ریال اور بغیر اجازت تیتر کے شکار پر 1,500 ریال جرمانہ عائد کیا جائے گا۔

فورس نے شہریوں سے اپیل کی کہ وہ ماحول یا جنگلی حیات کے خلاف کسی بھی خلاف ورزی کی صورت میں اطلاع دیں۔ مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر رابطہ کریں۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔