دمام میں درجہ حرارت 47 ڈگری، ابہا سب سے ٹھنڈا شہر

قومی مرکز برائے موسمیات نے مملکت کے بعض شہروں میں زیادہ اور کم درجہ حرارت کی پیش گوئی کی ہے۔ مرکز کے مطابق دمام میں سب سے زیادہ درجہ حرارت 47 ڈگری سینٹی گریڈ جبکہ ابہا میں سب سے کم 19 ڈگری سینٹی گریڈ ریکارڈ کیا گیا۔

مرکز نے اپنی سرکاری ویب سائٹ پر بتایا کہ آج متوقع زیادہ سے زیادہ درجہ حرارت دمام میں 47، ریاض میں 44، مدینہ منورہ میں 42، مکہ مکرمہ اور نجران میں 41، جبکہ جدہ میں 40 ڈگری سینٹی گریڈ رہے گا۔

اسی طرح تبوک میں 39، ابہا میں 29، بریدہ میں 43، الباحہ میں 28، اور جازان و حائل میں 38 ڈگری سینٹی گریڈ متوقع ہے۔

کم سے کم درجہ حرارت کے حوالے سے مرکز نے بتایا کہ ابہا میں 19، الباحہ میں 20، مدینہ منورہ میں 29، ریاض اور جدہ میں 30، مکہ مکرمہ میں 31، تبوک میں 26 اور نجران میں 29 ڈگری سینٹی گریڈ ریکارڈ کیا گیا۔