دس سال یا اس سے زائد عمر والوں کے لیے بائیومیٹرک اندراج لازمی قرار

سعودی محکمہ پاسپورٹ نے واضح کیا ہے کہ دس سال یا اس سے زائد عمر کے افراد کے لیے پاسپورٹ کے اجرا یا تجدید کے لیے بائیومیٹرک خصوصیات کا اندراج لازمی ہے۔ اس حوالے سے محکمہ نے زور دیا ہے کہ اس عمل کی تکمیل درخواست جمع کرانے سے پہلے ضروری ہے۔

محکمہ نے بتایا کہ بائیومیٹرک اندراج اور اس کی اپ ڈیٹ منظور شدہ نظام میں پاسپورٹ سے متعلقہ معاملات کے لیے بنیادی تقاضا ہے، اور اس کی عدم تکمیل سے درخواست پر کارروائی نہیں ہو سکے گی۔

محکمہ پاسپورٹ نے ان تمام افراد سے جو دس سال یا اس سے زائد عمر کے ہیں، اپیل کی ہے کہ وہ اپنی بائیومیٹرک معلومات کا اندراج اور ڈیٹا کی بروقت اپ ڈیٹ پہلے سے مکمل کر لیں، تاکہ پاسپورٹ کے اجرا یا تجدید کی درخواستوں میں تاخیر یا رکاوٹ نہ ہو۔

محکمہ نے یہ بھی کہا ہے کہ درخواست جمع کرانے سے پہلے تمام قانونی تقاضے پورے کرنا ضروری ہیں، اور بائیومیٹرک ریکارڈ کی موجودگی پاسپورٹ کے اجرا اور تجدید کے عمل کا لازمی حصہ ہے۔

اعرض التغريدة على منصة X

اسی طرح والدین سے بھی کہا گیا ہے کہ وہ اپنے ان بچوں کے لیے یہ عمل مکمل کروائیں جن کی عمر دس سال یا اس سے زیادہ ہو چکی ہے، تاکہ پاسپورٹ کے اجرا یا تجدید کے عمل میں کسی قسم کی تاخیر نہ ہو۔