قصیم اور شمالی حدود میں منشیات فروشی پر 5 افراد گرفتار

سعودی جنرل ڈائریکٹوریٹ برائے انسداد منشیات نے قصیم ریجن میں چار شہریوں کو منشیات، خصوصاً حشیش اور طبی ضابطے کے تحت آنے والی گولیوں کی فروخت کے الزام میں گرفتار کر لیا ہے۔ ملزمان کو حراست میں لے کر ان کے خلاف قانونی کارروائی شروع کر دی گئی ہے اور انہیں پبلک پراسیکیوشن کے حوالے کر دیا گیا ہے۔

ایکس پر مکمل خبر دیکھیں

اسی طرح انسداد منشیات ادارے نے شمالی حدود ریجن میں ایک اور شہری کو ایک ہزار نو سو چھپن ایمفیٹامین گولیوں کی فروخت کے الزام میں گرفتار کیا ہے۔ اس ملزم کے خلاف بھی قانونی کارروائی مکمل کر کے اسے پبلک پراسیکیوشن کے سپرد کر دیا گیا ہے۔

سکیورٹی اداروں نے شہریوں اور مقیم غیر ملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ اس مقصد کے لیے مکہ، مدینہ، ریاض اور مشرقی ریجن میں (911)، دیگر علاقوں میں (999) اور (994)، جبکہ جنرل ڈائریکٹوریٹ برائے انسداد منشیات کے لیے (995) پر رابطہ کیا جا سکتا ہے۔ ای میل کے ذریعے بھی اطلاع دی جا سکتی ہے: (Email:[email protected])۔ تمام اطلاعات مکمل رازداری کے ساتھ وصول کی جائیں گی اور اطلاع دینے والے پر کوئی ذمہ داری عائد نہیں ہو گی۔