جدہ میں 12 کلوگرام منشیات اسمگل کرنے کی کوشش ناکام

سعودی جنرل ڈائریکٹوریٹ برائے انسداد منشیات نے سرحدی سیکیورٹی قوانین کی خلاف ورزی کرنے والے ایک یمنی شہری اور جدہ میں مقیم ایک چاڈی باشندے کو 12 کلوگرام حشیش اسمگل کرنے کی کوشش پر گرفتار کر لیا ہے۔

دونوں افراد کو حراست میں لے کر ان کے خلاف قانونی کارروائی شروع کر دی گئی ہے اور انہیں پبلک پراسیکیوشن کے حوالے کر دیا گیا ہے۔

سیکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ مکہ مکرمہ، ریاض اور مشرقی ریجن میں (911)، دیگر علاقوں میں (999) اور جنرل ڈائریکٹوریٹ برائے انسداد منشیات کے نمبر (995) یا ای میل [email protected] پر رابطہ کیا جا سکتا ہے۔ تمام اطلاعات کو مکمل رازداری کے ساتھ نمٹایا جائے گا۔