اتوار کو مختلف علاقوں میں گرج چمک کے ساتھ موسلا دھار بارش کا امکان

قومی مرکز برائے موسمیات نے آج کے موسم کی رپورٹ میں پیش گوئی کی ہے کہ جازان، عسیر، باحہ اور مکہ مکرمہ کے مختلف حصوں میں درمیانے سے شدید درجے کی گرج چمک کے ساتھ بارشیں متوقع ہیں، جو سیلابی ریلوں کا باعث بن سکتی ہیں۔ ان بارشوں کے ساتھ ژالہ باری اور گرد آلود تیز ہوائیں بھی چلنے کا امکان ہے۔

رپورٹ میں مزید بتایا گیا ہے کہ ان علاقوں کے کچھ حصوں اور مشرقی ریجن کے ساحلی علاقوں میں دھند بننے کا بھی خدشہ ہے۔

بحر احمر

رپورٹ کے مطابق بحر احمر میں سطحی ہواؤں کی رفتار مختلف حصوں میں یوں رہے گی:

• شمالی حصہ: شمال مغربی سے شمالی سمت کی ہوائیں 10 تا 38 کلومیٹر فی گھنٹہ، جبکہ خلیج عقبہ کی طرف 42 کلومیٹر فی گھنٹہ تک پہنچ سکتی ہیں۔

• وسطی حصہ: شمال مغربی سے شمالی سمت کی ہوائیں 10 تا 38 کلومیٹر فی گھنٹہ۔

• جنوبی حصہ: جنوب مشرقی سے شمال مشرقی سمت کی ہوائیں 10 تا 38 کلومیٹر فی گھنٹہ، جو 50 کلومیٹر فی گھنٹہ سے زائد ہو سکتی ہیں، اس حصے میں گرج چمک کے ساتھ بارش کے بادل بھی بنیں گے۔

بحر احمر میں موجوں کی اونچائی نصف میٹر سے ڈیڑھ میٹر تک رہے گی، جبکہ جنوبی حصے میں یہ دو میٹر سے بھی زیادہ ہو سکتی ہے۔ سمندر کی کیفیت عمومی طور پر ہلکی سے درمیانی رہے گی، البتہ جنوبی حصے میں موجیں تیز ہوں گی۔

خلیج عرب

خلیج عرب میں سطحی ہواؤں کی رفتار رپورٹ کے مطابق یوں رہے گی:

• شمالی حصہ: جنوب مغربی سے شمال مغربی سمت کی ہوائیں 10 تا 24 کلومیٹر فی گھنٹہ۔

• جنوبی حصہ: شمال مغربی سے مغربی سمت کی ہوائیں 10 تا 28 کلومیٹر فی گھنٹہ۔

خلیج عرب میں موجوں کی اونچائی نصف میٹر سے ایک میٹر تک رہے گی اور سمندر کی کیفیت ہلکی موجوں والی ہوگی۔