بدھ کو گرج چمک کے ساتھ بارش اور ژالہ باری کا امکان

محکمہ موسمیات نے اپنے بدھ کے موسم رپورٹ میں پیش گوئی کی ہے کہ جازان، عسیر، باحہ اور مکہ مکرمہ کے کچھ حصوں میں درمیانے سے شدید درجے کی گرج چمک کے ساتھ بارشیں متوقع ہیں، جو سیلابی ریلوں کا سبب بن سکتی ہیں اور ان کے ساتھ ژالہ باری بھی ہو سکتی ہے۔ ان علاقوں کے علاوہ مشرقی ریجن، ریاض اور مدینہ منورہ کے کچھ حصوں میں بھی تیز ہوائیں اور گرد و غبار کا سلسلہ جاری رہے گا۔

رپورٹ کے مطابق بحیرہ احمر کے شمالی اور وسطی حصے میں سطحی ہوائیں شمال مغربی سے مغربی سمت میں 15 سے 35 کلومیٹر فی گھنٹہ کی رفتار سے چلیں گی، جبکہ جنوبی حصے میں جنوب مغربی سے شمال مغربی سمت میں تیز ہوائیں چلنے کا امکان ہے، جو گرج چمک کے ساتھ بارش کے دوران 50 کلومیٹر فی گھنٹہ سے بھی تجاوز کر سکتی ہیں۔ اس دوران موجوں کی اونچائی آدھے میٹر سے ڈیڑھ میٹر تک اور جنوبی حصے میں دو میٹر سے بھی زیادہ ہو سکتی ہے۔ مجموعی طور پر سمندر میں ہلکی سے درمیانی اور جنوبی حصے میں تیز موجیں متوقع ہیں۔

محکمہ موسمیات کے مطابق خلیج عرب میں سطحی ہوائیں شمال مغربی سے شمال مشرقی سمت میں 12 سے 30 کلومیٹر فی گھنٹہ کی رفتار سے چلیں گی، جو شام کے وقت شمالی اور وسطی حصے میں جنوب مشرقی سے جنوب مغربی سمت میں 5 سے 15 کلومیٹر فی گھنٹہ ہو جائیں گی۔ جنوبی حصے میں شام کے وقت جنوب مغربی سے شمال مغربی سمت میں ہوائیں چلیں گی، جو بعد میں شمالی سے شمال مشرقی سمت میں 10 سے 25 کلومیٹر فی گھنٹہ ہو جائیں گی اور گرج چمک کے ساتھ بارش کے دوران 50 کلومیٹر فی گھنٹہ تک پہنچ سکتی ہیں۔ اس دوران موجوں کی اونچائی آدھے میٹر سے ایک میٹر اور جنوبی حصے میں دو میٹر سے بھی زیادہ ہو سکتی ہے۔ مجموعی طور پر سمندر میں ہلکی سے درمیانی اور جنوبی حصے میں تیز موجیں متوقع ہیں۔