مکہ مکرمہ میں بارش کے دوران احتیاطی ہدایات جاری

قومی مرکز برائے موسمیات کی جانب سے جاری انتباہات اور پیش گوئیوں کے ساتھ ہی مکہ مکرمہ میونسپلٹی نے اپنی ڈیجیٹل پلیٹ فارمز پر بارش کے دوران محفوظ طرز عمل اور ممکنہ خطرات سے بچاؤ کے لیے احتیاطی ہدایات جاری کی ہیں۔ یہ اقدام شہریوں میں آگاہی بڑھانے اور بارش کے دوران عوامی سلامتی کو یقینی بنانے کے لیے کیا گیا ہے۔

میونسپلٹی نے اپنے سرکاری بیان میں شہریوں اور مقیمین سے اپیل کی ہے کہ وہ موسم کی صورتحال پر نظر رکھیں اور متعلقہ اداروں کی ہدایات پر عمل کریں۔ ڈرائیونگ کے دوران احتیاط برتیں، رفتار کم رکھیں، سیلابی راستوں، وادیوں اور پانی جمع ہونے والی جگہوں سے دور رہیں اور بہتے پانی میں ہرگز نہ گزریں۔ اس کے علاوہ بارش کے دوران اور بعد میں نشیبی علاقوں میں کھڑے ہونے یا وہاں رکنے سے بھی گریز کریں۔

میونسپلٹی نے شہریوں پر زور دیا ہے کہ وہ بارش کا پانی جمع ہونے یا بلدیاتی خدمات سے متعلق کسی بھی مسئلے کی اطلاع «بلدی 940» ایپ کے ذریعے دیں۔ ساتھ ہی احتیاطی ہدایات پر عمل اور متعلقہ اداروں سے تعاون کی اہمیت کو اجاگر کیا گیا ہے تاکہ سب کی سلامتی کو یقینی بنایا جا سکے۔

اعرض التغريدة على منصة X