حوثی حملے خطے کے امن کے لیے خطرہ ہیں، پاکستان

اقوام متحدہ میں پاکستان کے مستقل مندوب اور سلامتی کونسل میں نمائندہ، سفیر عاصم افتخار نے کہا ہے کہ حوثیوں کے حملے اور بحری جہاز رانی کو لاحق خطرات بین الاقوامی قانون کی خلاف ورزی ہیں اور یہ پورے خطے کے امن کو خطرے میں ڈال رہے ہیں۔

عاصم افتخار نے اس بات پر زور دیا کہ حوثیوں کی جانب سے کشیدگی میں اضافہ یمنی عوام کی مشکلات کو مزید بڑھا رہا ہے، اور پاکستان یمن میں امن کے لیے کی جانے والی سنجیدہ کوششوں کی مکمل حمایت کرتا ہے۔

انہوں نے یہ بھی کہا کہ پاکستان سعودی عرب کو اپنی سرزمین کے دفاع کے لیے ہر ضروری اقدام کرنے کے حق کی حمایت کرتا ہے، خاص طور پر ان خطرات اور حملوں کے پیش نظر جو مملکت کو نشانہ بنا رہے ہیں۔