مدینہ منورہ میں منشیات فروش شہری کو سزائے موت

مدینہ منورہ ریجن میں متعلقہ حکام نے آج اتوار 3 ربیع الاول 1448ھ بمطابق 16 اگست 2026ء کو ایک سعودی شہری کو منشیات اور طبی طور پر ممنوعہ گولیوں کی فروخت کے جرم میں سزائے موت دے دی۔

وزارت داخلہ نے اپنے بیان میں بتایا کہ ملزم عبدالعزیز بن ترابی بن لاحق الجابری کو سکیورٹی اداروں نے نگرانی کے بعد گرفتار کیا، اور تفتیش کے دوران اس پر جرم ثابت ہوا۔

ملزم کو متعلقہ عدالت میں پیش کیا گیا جہاں اس کے خلاف جرم ثابت ہونے پر سزائے موت تعزیراً سنائی گئی۔ اپیل اور متعلقہ اداروں کی توثیق کے بعد فیصلہ حتمی ہوا اور شاہی فرمان کے تحت اس پر عمل درآمد کیا گیا۔

منشیات فروشی کے نتائج پر انتباہ

وزارت داخلہ نے واضح کیا کہ یہ سزا مملکت کی جانب سے معاشرے کو منشیات کی لعنت سے بچانے کے عزم کا حصہ ہے۔ وزارت نے کہا کہ منشیات کی اسمگلنگ یا فروخت میں ملوث افراد کو سخت ترین سزائیں دی جائیں گی کیونکہ یہ معاشرے اور انسانی جانوں کے لیے خطرہ ہیں۔

وزارت نے خبردار کیا کہ جو بھی اس قسم کے جرائم کا ارادہ کرے، اس کے لیے شرعی سزا تیار ہے اور مملکت قوانین کی خلاف ورزی پر ہرگز نرمی نہیں برتے گی۔