خمیس مشیط کی جانب حوثی میزائل حملہ ناکام، دونوں میزائل تباہ

تحالف برائے حمایتِ حکومتِ یمن کے ترجمان، بریگیڈیئر جنرل ترکی المالکی نے بتایا کہ حوثی ملیشیا کی جانب سے خمیس مشیط کی طرف داغے گئے دو بیلسٹک میزائلوں کو روک کر تباہ کر دیا گیا۔

اس سے قبل محکمہ شہری دفاع نے قومی ایمرجنسی الرٹ پلیٹ فارم کے ذریعے خمیس مشیط سے خطرہ ٹل جانے کا اعلان کیا تھا۔

اس موقع پر شہری دفاع نے شہریوں کو ہدایت کی تھی کہ وہ پُر سکون رہیں، سرکاری ہدایات پر عمل کریں، عمارتوں کے اندر رہیں، کسی محفوظ داخلی کمرے یا کھڑکیوں سے دور مقام پر پناہ لیں اور خطرہ ختم ہونے تک گھر یا عمارت نہ چھوڑیں۔

آج اس سے پہلے بھی ترکی المالکی نے اعلان کیا تھا کہ حوثی ملیشیا کی جانب سے ریاض کی سمت داغا گیا ایک بیلسٹک میزائل بھی تباہ کر دیا گیا ہے۔