سعودی عرب کی ایران نواز عراقی ملیشیاؤں کی مشرقی تیل تنصیبات پر حملوں کی مذمت

سعودی وزارت خارجہ نے ایران کی حمایت یافتہ عراقی ملیشیاؤں کی جانب سے مشرقی علاقے میں تیل تنصیبات پر ڈرون حملوں کے تسلسل کی شدید مذمت کی ہے۔

وزارت نے اپنے بیان میں واضح کیا کہ مملکت اپنے امن و خودمختاری کے تحفظ کے عزم کو دہراتی ہے اور قانونی حق کے تحت جارحیت کے ذرائع کے خلاف تمام ضروری اقدامات کرنے کا حق محفوظ رکھتی ہے۔ ساتھ ہی سعودی عرب نے اس امر پر بھی زور دیا کہ عراقی حکومت اپنی سرزمین کو حملوں کے لیے استعمال ہونے سے روکنے کے لیے تمام ضروری اقدامات کرے۔