دمام میں درجہ حرارت 42، ابہا میں سب سے کم 14 ڈگری

قومی مرکز برائے موسمیات نے مملکت کے بعض شہروں میں زیادہ اور کم درجہ حرارت کی پیش گوئی کی ہے۔ مرکز کے مطابق دمام میں آج سب سے زیادہ درجہ حرارت 42 ڈگری سینٹی گریڈ ریکارڈ کیا جائے گا، جبکہ ابہا میں سب سے کم 14 ڈگری سینٹی گریڈ متوقع ہے۔

مرکز نے اپنی سرکاری ویب سائٹ پر بتایا کہ آج متوقع زیادہ سے زیادہ درجہ حرارت دمام میں 42، ریاض اور مدینہ منورہ میں 40، مکہ مکرمہ میں 39 اور جدہ میں 35 ڈگری سینٹی گریڈ رہے گا۔

اس کے علاوہ ابہا میں 27، تبوک میں 35، حائل میں 37، الباحہ میں 26، عرعر میں 34، جازان میں 36 اور نجران میں 34 ڈگری سینٹی گریڈ زیادہ سے زیادہ درجہ حرارت متوقع ہے۔

کم سے کم درجہ حرارت کی بات کی جائے تو ابہا میں 14، الباحہ میں 18، ریاض میں 25، مکہ مکرمہ میں 28، مدینہ منورہ میں 29، جدہ میں 30، نجران میں 19، جازان میں 29 اور تبوک میں 23 ڈگری سینٹی گریڈ ریکارڈ ہونے کا امکان ہے۔