جازان میں خطرے کا انتباہ، شہری دفاع کی حفاظتی ہدایات جاری

ہنگامی حالات کے لیے قومی انتباہی پلیٹ فارم نے جازان ریجن میں خطرے کے پیش نظر وارننگ جاری کی ہے، جس میں شہریوں سے کہا گیا ہے کہ وہ پرسکون رہیں، سرکاری ہدایات پر عمل کریں اور فوراً قریبی محفوظ مقام، کسی عمارت یا اندرونی کمرے میں چلے جائیں اور کھڑکیوں سے دور رہیں، نیز خطرہ ختم ہونے تک وہیں قیام کریں۔

اس کے علاوہ شہریوں کو ہدایت کی گئی ہے کہ خطرہ ختم ہونے تک گھر یا عمارت سے باہر نہ نکلیں، کھلی جگہوں، شیشے اور بالکونی یا چھت جیسے خطرناک مقامات سے دور رہیں۔ اگر کوئی شخص گھر سے باہر ہو تو اسے چاہیے کہ قریبی عمارت میں داخل ہو جائے یا کسی مضبوط دیوار کے پیچھے پناہ لے، ہجوم بنانے اور تصویریں لینے سے گریز کرے اور خطرناک مقامات سے دور رہے۔

اگر انتباہی پیغام گاڑی میں موصول ہو تو سڑک کے کنارے، پلوں اور بلند عمارتوں سے دور گاڑی روک لیں۔ کسی بھی خطرے کی صورت میں مکہ مکرمہ، مدینہ منورہ، ریاض اور مشرقی ریجن میں ہنگامی نمبر (911) اور باقی علاقوں میں (998) پر رابطہ کریں اور متعلقہ اداروں کی سرکاری ہدایات پر عمل کریں۔

تغریر X پر دیکھیں