مدینہ منورہ میں سب سے زیادہ، ابہا میں سب سے کم درجہ حرارت

قومی مرکز برائے موسمیات نے بعض سعودی شہروں میں زیادہ اور کم درجہ حرارت کی پیش گوئی کی ہے۔ مرکز کے مطابق مدینہ منورہ میں آج سب سے زیادہ درجہ حرارت 44 ڈگری سینٹی گریڈ ریکارڈ ہونے کا امکان ہے، جبکہ ابہا میں سب سے کم درجہ حرارت 19 ڈگری سینٹی گریڈ رہنے کی توقع ہے۔

مرکز نے اپنی سرکاری ویب سائٹ پر بتایا کہ آج متوقع زیادہ سے زیادہ درجہ حرارت مدینہ منورہ میں 44، ریاض اور دمام میں 42، مکہ مکرمہ میں 43 اور جدہ میں 38 ڈگری سینٹی گریڈ رہے گا۔

مرکز نے مزید بتایا کہ ابہا میں زیادہ سے زیادہ درجہ حرارت 31، تبوک میں 37، بریدہ میں 42، حائل میں 40، الباحہ میں 30، عرعر میں 41، سکا کا میں 40، نجران اور جازان میں 38 ڈگری سینٹی گریڈ متوقع ہے۔

اسی طرح بعض شہروں میں کم سے کم درجہ حرارت اس طرح رہے گا: ابہا 19، الباحہ 20، ریاض اور دمام 27، مدینہ منورہ 31، جدہ 30، مکہ مکرمہ 32، نجران 25، جازان 31 اور تبوک 25 ڈگری سینٹی گریڈ۔