گھریلو طبی آلات کے انتخاب و استعمال سے متعلق رہنما اصول جاری

سعودی فوڈ اینڈ ڈرگ اتھارٹی نے گھریلو طبی آلات کے درست انتخاب اور ان کے صحیح استعمال کی اہمیت پر زور دیا ہے، اور کہا ہے کہ اس سے صارفین کی حفاظت اور نتائج کی درستگی میں بہتری آتی ہے۔

اتھارٹی کے مطابق ضروری ہے کہ آلہ اتھارٹی میں رجسٹرڈ ہو اور اسے مارکیٹ میں فروخت کی اجازت حاصل ہو، خریداری کی رسید محفوظ رکھی جائے اور اس بات کی تصدیق کی جائے کہ اس پر وارنٹی اور بعد از فروخت خدمات جیسے مرمت کی سہولت دستیاب ہیں۔

اتھارٹی نے یہ بھی مشورہ دیا ہے کہ گھریلو طبی آلات کو بچوں اور پالتو جانوروں کی پہنچ سے دور رکھا جائے، ہدایت نامہ ضرور پڑھا جائے اور یہ ہدایت نامہ عربی یا انگریزی زبان میں دستیاب ہو۔

اتھارٹی نے مزید کہا کہ ڈاکٹر یا متعلقہ طبی ماہر سے مناسب تربیت حاصل کرنا اور اس کی ہدایات پر عمل کرنا ضروری ہے، اس کے علاوہ کمپنی کی ہدایات کے مطابق باقاعدہ معائنہ اور دیکھ بھال بھی کی جائے۔

اعرض التغريدة على منصة X

استعمال سے قبل ماہرین سے مشورہ ضروری

اسی حوالے سے اتھارٹی نے اس بات پر بھی زور دیا ہے کہ مریض کی حالت کے مطابق مناسب آلہ یا طبی سامان منتخب کرنے اور اس کے استعمال و دیکھ بھال کے بارے میں ڈاکٹر یا طبی ماہر سے مشورہ ضرور کیا جائے۔