ریاض میں مقامی لکڑی ذخیرہ کرنے پر شہری گرفتار

خصوصی فورس برائے ماحولیاتی تحفظ نے ریاض میں ایک شہری کو ماحولیاتی قوانین کی خلاف ورزی پر گرفتار کیا، جس کے قبضے سے سات مکعب میٹر مقامی لکڑی برآمد ہوئی۔ اس کے خلاف قانونی کارروائی عمل میں لائی گئی اور ضبط شدہ لکڑی متعلقہ حکام کے سپرد کر دی گئی۔

فورس کے مطابق، تجارتی سرگرمیوں میں مقامی لکڑی یا کوئلہ استعمال کرنے پر فی مکعب میٹر 32,000 سعودی ریال تک جرمانہ عائد ہو سکتا ہے، جبکہ مقامی لکڑی یا کوئلہ نقل، فروخت یا ذخیرہ کرنے پر فی مکعب میٹر 16,000 سعودی ریال تک جرمانہ ہے۔ فورس نے شہریوں سے اپیل کی ہے کہ وہ ماحول یا جنگلی حیات کو نقصان پہنچانے والے کسی بھی واقعے کی اطلاع مکہ مکرمہ، مدینہ منورہ، ریاض اور مشرقی ریجن میں 911 پر اور باقی علاقوں میں 999 یا 996 پر دیں۔ تمام شکایات مکمل رازداری کے ساتھ نمٹائی جائیں گی اور اطلاع دینے والے پر کوئی ذمہ داری عائد نہیں ہو گی۔