سعودی عرب عالمی چیلنجز سے نمٹنے کیلئے کوششیں متحد کر رہا ہے

سیاسی تجزیہ کار ڈاکٹر فیصل السمیری نے کہا ہے کہ سعودی عرب عالمی سطح پر مشترکہ چیلنجز سے نمٹنے کے لیے کوششیں متحد کر رہا ہے، اسی لیے دفاعی بحری اتحاد کی پیشکش ان تمام ممالک کے لیے کھلی ہے جو اس کے مقاصد اور اصولوں سے متفق ہیں۔

انہوں نے الاخباریہ چینل سے گفتگو میں مزید کہا کہ سعودی عرب کو اتحاد سازی میں طویل تجربہ حاصل ہے اور وہ دیرینہ اصولوں کی بنیاد پر ایسے نظام تشکیل دیتا ہے جو ان چیلنجز کا مقابلہ کر سکیں، خصوصاً اس وقت جب سعودی، عرب اور عالمی سلامتی کو بحری راستوں میں غیر معمولی خطرات درپیش ہیں۔

واضح رہے کہ وزارت دفاع نے گزشتہ روز جمعرات کو اعلان کیا تھا کہ مصر، ترکی، پاکستان، قطر اور اردن سمیت 14 ممالک نے ایک مشترکہ بیان جاری کیا ہے جس میں بین الاقوامی بحری دفاعی اتحاد کے قیام کی حمایت کی گئی ہے، جس کا مقصد سمندری سلامتی کو مضبوط بنانا اور عالمی بحری راستوں کا تحفظ ہے۔

ایکس پر مکمل خبر دیکھیں