مدینہ منورہ: ساحلی گشت نے 4 افراد کو بحری قوانین کی خلاف ورزی پر گرفتار کر لیا

ینبع، مدینہ منورہ میں حرس الحدود کی ساحلی گشتی ٹیموں نے چار شہریوں کو بحری سرگرمیوں کے دوران سکیورٹی اور سیفٹی قوانین کی خلاف ورزی پر گرفتار کیا ہے۔

حرس الحدود نے اپنے ایکس اکاؤنٹ پر بتایا کہ یہ کارروائی بغیر اجازت ماہی گیری اور ممنوعہ آلات کے استعمال پر کی گئی۔ متعلقہ اداروں کے ساتھ رابطے میں رہتے ہوئے ان کے خلاف قانونی کارروائی کی گئی ہے۔

حرس الحدود نے شہریوں سے اپیل کی ہے کہ وہ آبی حیات کے تحفظ سے متعلق قوانین اور ہدایات کی پابندی کریں اور اگر کسی کو ماحول یا قدرتی حیات کے خلاف خلاف ورزی کا علم ہو تو مکہ مکرمہ، مدینہ منورہ، ریاض اور مشرقی ریجن میں 911 اور باقی علاقوں میں 994 پر اطلاع دیں۔ تمام اطلاعات کو مکمل رازداری میں رکھا جائے گا اور اطلاع دینے والے پر کوئی ذمہ داری عائد نہیں ہوگی۔

اعرض التغريدة على منصة X