فکیہ جدہ: ’خسوف کاذب‘ سائنسی لحاظ سے درست اصطلاح نہیں

جدہ فلکیاتی انجمن نے واضح کیا ہے کہ بعض فلکیاتی مواد میں چاند کے خسوفِ شبح الظل کے لیے ’خسوف کاذب‘ کی اصطلاح استعمال کی گئی ہے۔ اگرچہ یہ لفظی طور پر قابل فہم ہے کیونکہ اس قسم کے خسوف میں چاند کی روشنی میں تبدیلی اتنی مدھم ہوتی ہے کہ عام طور پر دیکھنے والے کو فرق محسوس نہیں ہوتا، تاہم سائنسی اعتبار سے ’خسوف کاذب‘ کہنا درست نہیں۔

’فکیہ جدہ‘ نے اپنے ایکس (سابق ٹوئٹر) اکاؤنٹ پر بتایا کہ اس فلکیاتی مظہر کے لیے درست اصطلاح ’خسوف شبح الظل‘ ہے، کیونکہ یہ اس مظہر کی نوعیت اور اس کے وقوع کی وضاحت کرتی ہے۔ چاند گرہن اس وقت ہوتا ہے جب زمین، سورج اور چاند کے درمیان آجاتی ہے اور چاند مکمل طور پر روشن ہوتا ہے۔ اس دوران چاند زمین کے سائے سے گزرتا ہے، جو دو حصوں پر مشتمل ہوتا ہے: مرکزی سایہ اور بیرونی ہلکا سایہ (شبح الظل)۔

انجمن کے صدر انجینئر ماجد ابو زاہرہ نے بتایا کہ جب چاند مکمل یا جزوی طور پر صرف شبح الظل سے گزرتا ہے اور مرکزی سائے میں داخل نہیں ہوتا تو اس سے چاند کی روشنی میں معمولی کمی آتی ہے۔ اسی وجہ سے یہ تبدیلی اکثر عام آنکھ سے واضح نہیں ہوتی، خاص طور پر جب خسوف بہت ہلکا ہو۔

ابو زاہرہ نے مزید کہا کہ بصری طور پر مدھم نظر آنا اس بات کی دلیل نہیں کہ یہ مظہر حقیقی نہیں۔ خسوف شبح الظل ایک حقیقی فلکیاتی واقعہ ہے جس کی مخصوص ہندسی ساخت ہوتی ہے اور اس کے آغاز و اختتام کے اوقات درستگی سے معلوم کیے جا سکتے ہیں۔ یہ خسوفِ قمری کی بنیادی اقسام میں سے ایک ہے، جس میں جزوی اور مکمل خسوف بھی شامل ہیں۔

انہوں نے نشاندہی کی کہ اس مظہر کو ’کاذب‘ کہنا عوام میں غلط فہمی پیدا کر سکتا ہے، کیونکہ اس سے یہ تاثر ملتا ہے کہ یہ کوئی حقیقی خسوف نہیں۔ جبکہ ’خسوف شبح الظل‘ کی اصطلاح واضح طور پر بتاتی ہے کہ چاند کس حصے سے گزرتا ہے اور اس کی روشنی میں کمی کیوں محدود رہتی ہے۔ انہوں نے زور دیا کہ فلکیاتی مواد میں سائنسی اصطلاحات کا درست استعمال ضروری ہے، خاص طور پر سوشل میڈیا پر معلومات کے تیز پھیلاؤ کے پیش نظر۔

اعرض التغريدة على منصة X