ریاض میں یمنی سفارتخانے کا سعودی عرب میں یمنیوں کی صورتحال درست کرنے کیلئے آن لائن رجسٹریشن کا آغاز

ریاض میں یمنی سفارتخانے نے سعودی عرب میں مقیم یمنیوں کی قانونی حیثیت درست کرنے کے لیے ابتدائی آن لائن رجسٹریشن شروع کرنے کا اعلان کیا ہے۔

سفارتخانے کے مطابق ابتدائی رجسٹریشن کا عمل سفارتخانے اور قونصل خانے کی سرکاری ویب سائٹس کے ذریعے کیا جا سکتا ہے۔

سفارتخانے نے واضح کیا ہے کہ وہ یمنی شہری جن کے پاس کارآمد پاسپورٹ موجود ہے، انہیں عارضی سفری دستاویزات حاصل کرنے کی ضرورت نہیں۔ ایسے افراد کو چاہیے کہ وہ ابشر پلیٹ فارم کے ذریعے اپائنٹمنٹ بک کریں اور اپنے قریبی علاقے کی جوازات انتظامیہ سے رجوع کریں تاکہ اپنی قانونی حیثیت کی تصحیح اور شاہی رعایت سے فائدہ اٹھانے کے لیے ضروری کارروائیاں مکمل کر سکیں۔