جازان میں درمیانی بارش اور تیز ہواؤں کی پیش گوئی

قومی مرکز برائے موسمیات نے آج ہفتہ کو جازان ریجن میں درمیانی شدت کی بارش، تیز رفتار ہواؤں، افقی حد نگاہ میں کمی، ژالہ باری، سیلابی ریلوں اور گرج چمک کے ساتھ بارش کی پیش گوئی کی ہے۔

مرکز کے مطابق یہ موسمی صورتحال جازان شہر سمیت الحرث، الدائر (بنی مالک)، الریث، العارضة، العیدابی، فیفا، ہروب، الطوال، صامطة، احد المسارحة، ابو عریش، ضمد، صبیا، بیش، الدرب، مرکز الفطیحہ اور جزیرہ فرسان میں متوقع ہے۔

مرکز نے مزید بتایا کہ یہ موسمی کیفیت، اللہ کے حکم سے، آج رات نو بجے تک جاری رہ سکتی ہے۔

مرکز نے شہریوں اور مقیم افراد کو ہدایت کی ہے کہ وہ احتیاط برتیں اور اس دوران حفاظتی تدابیر پر عمل کریں۔