مکہ دفاعی معاہدہ: علاقائی نظام کی بنیاد، ماہر عسکریات

عسکری اور تزویراتی امور کے ماہر فیصل الحمد نے کہا ہے کہ مکہ دفاعی معاہدہ ایک دفاعی اتحاد اور خطے میں نئے علاقائی نظام کی بنیاد ہے۔

انہوں نے 'العربیہ ایف ایم' سے گفتگو میں کہا کہ امریکی صدر ڈونلڈ ٹرمپ کی جانب سے اس معاہدے کا خیرمقدم اس بات کی دلیل ہے کہ سعودی عرب، پاکستان اور ترکی کا یہ اتحاد کسی ملک کے خلاف نہیں بلکہ ایک دفاعی اتحاد کے طور پر قائم کیا گیا ہے۔

ان کا کہنا تھا کہ یہ اتحاد خطے کے دیگر ممالک کے لیے بھی ایک واضح ماڈل ہے، جس کی پیروی کرتے ہوئے مشرق وسطیٰ میں نیا علاقائی نظام تشکیل پائے گا۔ اسی لیے امریکہ نے اس کا خیرمقدم کیا ہے کیونکہ تمام رکن ممالک کے امریکہ سے تعلقات ہیں، اور یہ اتحاد دنیا کے مفاد میں ہے۔

فیصل الحمد نے مزید کہا کہ امریکی قومی سلامتی اور دفاعی حکمت عملی کا مقصد یہ ہے کہ واشنگٹن خطے میں اپنے اتحادیوں کو فیصلہ سازی کا مرکز بنانا چاہتا ہے اور ذمہ داریاں ان پر منتقل کرنا چاہتا ہے۔

ایکس پر اصل پوسٹ دیکھیں