پانچ علاقوں میں شدید بارشوں کے پیش نظر ریڈ الرٹ جاری

سعودی محکمہ سول ڈیفنس نے ایک بار پھر شہریوں کو ہدایت کی ہے کہ بارش کے دوران احتیاط برتیں اور سیلابی راستوں اور وادیوں سے دور رہیں۔ یہ انتباہ قومی مرکز برائے موسمیات کی جانب سے جاری کردہ تازہ ترین الرٹس کی بنیاد پر جاری کیا گیا ہے۔

محکمہ نے اپنے ایک بیان میں، جو ایکس پلیٹ فارم پر جاری کیا گیا، بتایا کہ پانچ علاقوں — مکہ مکرمہ، عسیر، جازان، تبوک اور باحہ — کے کچھ حصوں میں شدید بارشوں کے امکان کے پیش نظر 'ریڈ الرٹ' جاری کیا گیا ہے۔

سول ڈیفنس نے بارش کے دوران احتیاطی تدابیر اختیار کرنے، سرکاری ذرائع سے جاری ہدایات پر عمل کرنے اور پانی کے جمع ہونے والے مقامات، وادیوں اور ڈیموں کے قریب جانے سے گریز کرنے پر زور دیا ہے۔

اعرض التغريدة على منصة X