قصیم میں منشیات فروشی پر دو شہری گرفتار

محکمہ انسداد منشیات نے قصیم میں دو شہریوں کو ایمفیٹامین اور طبی ضابطے کے تحت آنے والی گولیوں کی فروخت کے الزام میں گرفتار کیا ہے۔

ملزمان کو حراست میں لے کر ان کے خلاف قانونی کارروائی کی گئی اور انہیں پراسیکیوشن کے حوالے کر دیا گیا ہے۔

سکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع دیں۔ اس مقصد کے لیے مکہ مکرمہ، ریاض اور مشرقی ریجن میں (911)، دیگر علاقوں میں (999)، محکمہ انسداد منشیات کی ہاٹ لائن (995) یا ای میل [email protected] پر رابطہ کیا جا سکتا ہے۔ تمام اطلاعات کو مکمل رازداری کے ساتھ نمٹایا جائے گا۔