قصیم میں منشیات فروشی پر 6 شہری گرفتار

سعودی محکمہ انسداد منشیات نے قصیم ریجن میں چھ شہریوں کو شبو (میثامفیٹامین)، حشیش، ایمفیٹامین اور طبی ضابطے کے تحت آنے والی گولیوں کی فروخت کے الزام میں گرفتار کر لیا ہے۔

محکمہ انسداد منشیات نے اپنے ایکس اکاؤنٹ پر بتایا کہ ملزمان کو حراست میں لے کر ان کے خلاف قانونی کارروائی شروع کر دی گئی ہے اور انہیں مزید تفتیش کے لیے پراسیکیوشن کے حوالے کر دیا گیا ہے۔

سکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی اطلاع پر مکہ مکرمہ، مدینہ منورہ، ریاض اور مشرقی ریجن میں 911 جبکہ دیگر علاقوں میں 999 یا 994 پر اطلاع دیں، یا پھر محکمہ انسداد منشیات کے ہیلپ لائن 995 یا ای میل ([email protected]) پر رابطہ کریں۔ محکمہ نے یقین دہانی کرائی ہے کہ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔

ایکس پر اصل خبر دیکھیں